How To Delete My Activity In Google

గూగుల్లో ఉన్న మీ పర్సనల్ డేటాను డిలీట్ చేయాలా? ఈ సింపుల్ స్టెప్స్ ఫాలో అవ్వండి!

How to Delete Google Search History : మనకు ఏ చిన్న సందేహం వచ్చినా గూగుల్ను ఆశ్రయిస్తుంటాం. ఇలా సెర్చ్ చేసినప్పుడు ఆటోమేటిక్గా మన డేటా గూగుల్లో సేవ్ అయిపోతూ ఉంటుంది. అందువల్ల గూగుల్కు మన గురించి అనేక విషయాలు తెలిసిపోతుంటాయి. దీని వల్ల మన ప్రైవసీకి భంగం ఏర్పడే అవకాశం ఉంటుంది. అయితే దీని కోసం మీరేమీ చించతించాల్సిన పనిలేదు. గూగుల్లో స్టోర్ అయిన మన యాక్టివిటీని, సమాచారాన్ని చాలా సులువుగా డిలీట్ చేయవచ్చు.

సాధారణంగా గూగుల్ సైట్స్, యాప్స్ సేవలను వినియోగించినప్పుడు, మనకు సంబంధించిన యాక్టివిటీ మొత్తం Google Account లోని My Activityలో సేవ్ అవుతాయి. ఇందులో స్టోర్ అయ్యే మన పర్సనల్ డేటాను ఎలా తొలగించాలో ఇప్పుడు తెలుసుకుందాం.

ఇండివిడ్యువల్ యాక్టివిటీని డిలీట్ చేయాలంటే?

Delete Individual Items : గూగుల్ అకౌంట్లోని My Activityలో సేవ్ అయిన డేటాలో, మీరు కోరుకున్న ఇండివిడ్యువల్ ఐటెమ్ను డిలీట్ చేయవచ్చు. లేదా మీరు కావాలనుకుంటే మొత్తం డేటాను కూడా డిలీట్ చేయవచ్చు. దీని కోసం,

ముందుగా myactivity.google.com.లోకి వెళ్లండి.
మీరు డిలీట్ చేయాలనుకుంటున్న స్పెసిఫిక్ ఐటమ్ను సెలెక్ట్ చేసుకోండి.
అనంతరం డిలీట్ బటన్ను నొక్కండి.
అంతే సింపుల్! మీరు తొలగించాలని అనుకున్న యాప్ లేదా సైట్కి సంబంధించి సేవ్డ్ హిస్టరీ మొత్తం డిలీట్ అయిపోతుంది.

అన్నింటినీ ఒకేసారి డిలీట్ చేయాలంటే!

Delete It All : మీరు ఒకవేళ అన్ని సైట్స్ లేదా యాప్స్కు చెందిన డేటా మొత్తాన్ని ఒకేసారి డిలీట్ చేయలనుకుంటే,

ముందుగా myactivity.google.com లోకి వెళ్లండి.
స్క్రీన్ టాప్లో Your Activityపైన Delete ఆప్షన్ ఉంటుంది. దానిపై ట్యాప్ చేసి అక్కడే కనిపించే All Timeను సెలెక్ట్ చేయండి.
అనంతరం Next>Deleteను నొక్కండి.
అంతే సింపుల్! అప్పటి వరకు గూగుల్లో సేవ్ అయివున్న మీ యాక్టివిటీ వివరాలన్నీ డిలీట్ అయిపోతాయి.
ఆటోమెటిక్ డిలీషన్

Set Up Automatic Deletion : మీరు ఇలా మాన్యువల్గా కాకుండా, ఆటోమేటిక్ మీ సెర్చ్ యాక్టివిటీ డిలీట్ అయ్యేలా చేసుకోవచ్చు. అది ఎలా అంటే?

మీ ఆండ్రాయిడ్ ఫోన్లోని సెట్టింగ్స్ యాప్ను ఓపెన్ చేయండి.
ఇక్కడ Google > Manage Your Google Accountను సెలెక్ట్ చేసుకోండి.
తరువాత Data & Privacy > History Settingsపై ట్యాప్ చేయండి.
మీరు Auto-Delete చేయాలనుకుంటున్న Activityను సెలెక్ట్ చేసుకోండి.
ఆ తర్వాత Auto-Deleteను ఎనేబుల్ చేయండి.
ఈ క్రమంలో టైంఫ్రేమ్ను కూడా ఎంచుకోండి. (అంటే ఎన్ని రోజులకోసారి మీరు డేటాను డిలీట్ కావాలో సెలక్ట్ చేసుకోండి)
చివరగా Next > Confirmపై క్లిక్ చేయండి.

మరి ఐఫోన్లో ఎలా?

Delete My Activity On iphone : పైన తెలిపిన సెట్టింగ్స్ అన్నీ మీకు iPhoneలోని Gmail యాప్లో ఉంటాయి. ఇందులోకి వెళ్లి మీ పర్సనల్ డేటాను గూగుల్ నుంచి డిలీట్ చేసుకోవచ్చు.

కంప్యూటర్లో ఇలా!

Delete My Activity On Computer : వెబ్ బ్రౌజర్ ద్వారా Google Accountలోకి వెళ్లి, మీ యాక్టివిటీ డేటాను డిలీట్ చేసుకోవచ్చు.