Are you planning to study in America?
Study in US : అమెరికాలో చదువుకు ప్లాన్ చేస్తున్నారా?
అమెరికాలో టాప్ యూనివర్సిటీ లిస్ట్ చూసేయండి..
అమెరికాలో చదువుకోవాలని చాలా మంది కలలుకుంటూ ఉంటారు. ఈ నేపథ్యంలో ఇండియా నుంచి అమెరికాకు వెళుతున్న విద్యార్థుల సంఖ్య ప్రతియేటా పెరుగుతోంది. మరి మీరు కూడా యూఎస్లో చదువుకు ప్లాన్ చేస్తున్నారా? ఏ యూనివర్సిటీలో చదువుకుంటే మంచిది? అని ఆలోచిస్తున్నారు? అయితే ఇది మీకోసమే! ఒక యూనివర్సిటీని ఎంపిక చేసేందుకు చాలా విషయాలను పరిగణలోకి తీసుకోవాలి. అయితే, టైమ్స్ హయ్యర్ ఎడ్యుకేషన్ (టీహెచ్ఈ) విడుదల చేసిన వరల్డ్ రెప్యుటేషన్ ర్యాంకింగ్ 2025 లిస్ట్ కూడా మీకు ఉపయోగపడుతుంది. ఈ లిస్ట్లో ఉన్న అమెరికన్ విశ్వవిద్యాలయాలను తెలుసుకుని మీరు ప్లాన్ చేసుకోవచ్చు.
టీహెచ్ఈ వరల్డ్ రెప్యుటేషన్ ర్యాంకింగ్ 2025 : అమెరికా వర్సిటీలు- ర్యాంకులు..
హార్వర్డ్ యూనివర్సిటీ- 1వ ర్యాంక్
మసాచుసెట్స్ ఇన్స్టిట్యూట్ ఆఫ్ టెక్నాలజీ (ఎంఐటీ)- 2వ ర్యాంక్
స్టాన్ఫర్డ్ వర్సిటీ- 4
యూనివర్సిటీ ఆఫ్ కాలిఫోర్నియా, బెర్క్లే- 6
ప్రిన్స్టన్ యూనివర్సిటీ- 7
యేలే యూనివర్సిటీ- 9
కాలిఫోర్నియా ఇన్స్టిట్యూట్ ఆఫ్ టెక్నాలజీ (కాల్టెక్)- 13
యూనివర్సిటీ ఆఫ్ కాలిఫోర్నియా (లాస్ఏంజెల్స్)- 15
యూనివర్సిటీ ఆఫ్ చికాగో- 16
కొలంబియా యూనివర్సిటీ- 17
యూనివర్సిటీ ఆఫ్ మిషిగాన్- 18
కార్నెల్ యూనివర్సిటీ- 20
యూనివర్సిటీ ఆఫ్ పెన్సిల్వేనియా- 22
జాన్స్ హాప్కిన్స్ యూనివర్సిటీ- 23
యూనివర్సిటీ ఆఫ్ వాషింగ్టన్- 26
న్యూయార్క్ యూనివర్సిటీ- 28
డ్యూక్ యూనివర్సిటీ- 29
కార్నెగే మిలోన్ యూనివర్సిటీ- 31
యూనివర్సిటీ ఆఫ్ ఇల్లినాయిస్ (అర్బనా షాంపైన్)- 31
యూనివర్సిటీ ఆఫ్ టెక్సాస్ (ఆస్టిన్)- 35
యూనివర్సిటీ ఆఫ్ కాలిఫోర్నియ (సాన్డియాగో)- 36
యూనివర్సిటీ ఆఫ్ విస్కాన్సిస్ (మాడిసన్)- 38
మీరు గమనిస్తే టైమ్స్ హయ్యర్ ఎడ్యుకేషన్ విడుదల చేసిన వరల్డ్ రెప్యుటేషన్ ర్యాంకింగ్ 2025 లిస్ట్ టాప్ 10లో 6 అమెరికాలోని విశ్వవిద్యాలయే ఉన్నాయి. వీటిల్లో చదువుకు అవకాశం లభిస్తే, చాలా నేర్చుకోవచ్చని, మంచి ఉద్యోగం పొందవచ్చని చాలా మంది భావిస్తుంటారు.
మరోవైపు భారత్కు చెందిన కొన్ని యూనివర్సిటీలు కూడా ఈ లిస్ట్లో చోటు సంపాదించుకున్నాయి. ఇండియన్ ఇన్స్టిట్యూట్ ఆఫ్ సైన్స్కి ఈ లిస్ట్లోని 201-300 ర్యాంకింగ్స్లో చోటు దక్కింది. ఐఐటీ దిల్లీ, ఐఐటీ మద్రాస్ కూడా ఇందులోనే ఉన్నాయి.
