HOW TO DEPOSIT CASH IN ATM WITH UPI
కేవలం UPIతో క్యాష్ను అకౌంట్లో డిపాజిట్ చేయొచ్చు - ATM కార్డు, బ్యాంకుతో పనేలేదు!
- ఏటీఎం సెంటర్లో నగదు డిపాజిట్ ఇక మరింత సులభతరం
How to Deposit Cash in ATMs with UPI: గతంలో డబ్బులు అకౌంట్లో డిపాజిట్ చేయాలంటే బ్యాంకుకు వెళ్లాల్సి వచ్చేది. ఆ తర్వాత ఏటీఎం సెంటర్లలో క్యాష్ డిపాజిట్ మెషీన్స్ వచ్చాయి. అయితే ATM కేంద్రాల్లో క్యాష్ డిపాజిట్ మెషీన్లలో నగదు డిపాజిట్ చేయాలంటే డెబిట్ కార్డు లేదా అకౌంట్ నెంబరు తప్పనిసరి. అయితే ఇకపై అలాంటి అవసరం లేకుండానే యూపీఐ సాయంతో అకౌంట్లోకి నగదు డిపాజిట్ చేయొచ్చు. ఈ పద్ధతిని యూపీఐ ఇంటరాపరేబుల్‌ క్యాష్ డిపాజిట్ (UPI-ICD) అంటారు. మరి దీని ద్వారా డబ్బులు ఎలా డిపాజిట్ చేయాలో ఇప్పుడు చూద్దాం.
యూపీఐ-ఐసీడీ సాయంతో బ్యాంకులు, వైట్‌లేబుల్‌ ఆపరేటర్లు నిర్వహించే ఏటీఎం కేంద్రాల వద్ద డెబిట్ కార్డు అవసరం లేకుండా నగదును డిపాజిట్ చేయొచ్చు. సొంత బ్యాంక్ అకౌంట్లో గానీ, ఇతరుల బ్యాంక్ అకౌంట్లో గానీ ఈ డబ్బులను జమ చేయవచ్చు. మొబైల్‌ నంబర్‌తో అనుసంధానం అయిన యూపీఐ, వర్చువల్‌ పేమెంట్‌ అడ్రస్‌, ఐఎఫ్‌ఎస్‌సీ కోడ్ వీటిల్లో ఏదైనా ఒకటి ఎంటర్ చేసి నగదు జమ చేయొచ్చు.
ఎలా డిపాజిట్ చేయాలంటే:
- ముందుగా క్యాష్ డిపాజిట్ చేసుకునే వెసులుబాటు ఉన్న ఏటీఎం కేంద్రానికి వెళ్లాలి.
- క్యాష్ డిపాజిట్ మెషీన్ స్క్రీన్ మీద UPI ICD లేదా యూపీఐ క్యాష్ డిపాజిట్ (UPI Cash Deposit) ఆప్షన్పై క్లిక్ చేయాలి.
- అప్పుడు స్క్రీన్ మీద క్యూఆర్ కోడ్ ప్రత్యక్షం అవుతుంది. మీ స్మార్ట్‌ఫోన్‌లో ఏదైనా యూపీఐ యాప్ను యూజ్ చేసి క్యూఆర్ కోడ్‌ను స్కాన్ చేయాలి.
- క్యూఆర్ కోడ్ స్కాన్ చేసిన తర్వాత మీకు ఫోన్లో ఓ ఆప్షన్ కనిపిస్తుంది.
- అందులో మీ బ్యాంక్ అకౌంట్లో డబ్బులు డిపాజిట్ చేయాలా? లేదా వేరే వాళ్ల బ్యాంక్ అకౌంట్లో డిపాజిట్ చేయాలా? అని అడుగుతుంది.
- మీ అకౌంట్లోకి వేసుకోవాలనుకుంటే Deposit in Own Account ఆప్షన్పై క్లిక్ చేయగానే, యూపీఐతో లింక్ అయి ఉన్న బ్యాంక్ అకౌంట్స్ ఫోన్ స్క్రీన్ మీద కనిపిస్తాయి.
- ఏ బ్యాంక్ అకౌంట్లో డబ్బులు వేయాలో దానిపై క్లిక్ చేయాలి.
- వెంటనే కరెన్సీ డిపాజిట్ చేసే డోర్ ఓపెన్ అవుతుంది. అందులో మీరు ఎంత డిపాజిట్ చేయాలనుకుంటున్నారో ఆ అమౌంట్ ఉంచాలి.
- ఆ మెషీన్ కౌంట్ చేసి అందుకు సంబంధించిన వివరాలు ఏటీఎం మెషీన్ స్క్రీన్ మీద చూపిస్తుంది.
- ఆ వివరాలు కరెక్ట్గా ఉంటే Confirm ఆప్షన్పై క్లిక్ చేయాలి. అంతే ఆ అమౌంట్ అనేది మీ బ్యాంక్ అకౌంట్లో డిపాజిట్ అవుతుంది.
